O Instituto Cervantes acolleu, dentro do programa do Círculo de Orellana Máis de 100 mulleres por descubrir, na súa décima edición, un encontro dedicado a Elisa e Jimena Fernández de la Vega, pioneiras da medicina española e figuras esenciais na incorporación da muller á universidade, en colaboración con Alumni USC.
Nacidas en Vegadeo en 1895, ambas se converteron nas primeiras médicas tituladas pola Universidade de Santiago, distinguidas coa Gran Cruz de Alfonso XII polo seu brillante expediente. Elisa destacou polas súas investigacións sobre o sistema respiratorio e o seu labor docente en diversas universidades españolas, mentres que Jimena se especializou en xenética médica, formándose en centros europeos de referencia e dirixindo a primeira sección universitaria dedicada a esta disciplina en España. A súa traxectoria, marcada polo rigor científico e a apertura de novos camiños para as mulleres, consolidou un legado que segue a ser un referente.
Nesta mesa redonda, Darío Villanueva, académico da RAE, ofreceu unha reflexión sobre a relevancia histórica e cultural das irmás Fernández de la Vega e sobre a vixencia do seu exemplo na ciencia e na sociedade contemporáneas; presentada pola presidenta do Círculo de Orellana, Leticia Espinosa de los Monteros, e coa intervención da nosa presidenta, Eva López.
