O sábado 13 de xuño, un grupo de alumni de Maxisterio reuniuse para celebrar cincuenta anos dunha promoción que segue viva na memoria e no corazón de quen a formou. Foi un encontro cheo de afecto, lembranzas compartidas coa alegría sincera de poider verse despois de medio século de camiños percorridos.
Ao acto asistiron a reitora, Rosa Crujeiras, a decana da Facultade, Mar Lorenzo, e a nosa presidenta, Eva López, que quixeron acompañar este momento tan especial. O socio Agustín Pena, guiou con agarimo un evento que deixou emocións á flor de pel e a certeza de que os lazos creados na universidade permanecen intactos co paso do tempo.
